Die Christelike Kernensiklopedie bestryk etlike terreine: die Ou en ook die Nuwe Testament se boeke, plekke en persone; dit verklaar ook talle Bybelse en kerklike begrippe en leerstellings. Dit bespreek verskillende fasette van 'n Christelike leefstyl, kernmomente in die breë en Suid-Afrikaanse kerkgeskiedenis en prominente figure wat 'n positiewe (of soms negatiewe) impak op die Christelike godsdiens het en gehad het.

In die Kernensiklopedie is 3 250 inskrywings en 'n verdere 841 trefwoorde vir verwysing, afgesien van die kruisverwysings na ander inskrywings. Daar is probeer om reg aan al die denominasies en oortuigings te laat geskied. Talle van die stories en gebeure word nou vir die eerste in Afrikaans vertel.

Hoofredakteur: Frits Gaum